सुरभि. : माँ अपन दलान कतऽ गेलै?
माय : बौआ! अहाँ बारह वर्षक बाद नैहर एलौहा ,बहुत किछु बदलिगेलैक अछि|दलान तऽ कहिया कतऽ
टूटिगेल|लालभैया के हिस्सा मे पड़ल रहनि|
सुरभि के बड़का झटका लगलनि
माय. : बौआ ,अाहाँ के दुख होयैत अछि!,ककरो अहिठाम दुख नहि छैक,दुख रहितैक तऽ तोड़ी कऽ बाँटिये लितैक!
चलु बड़की आँगन खोचि खोलऽ |
बड़की काकीक आँगनक दृश्य देखिकऽ आओर जोड़ सऽ धक्का लगलनि मोन के,भाव विभोर भऽगेलीह,बड़की काकीक चौकी जे बरामदा पर छलनि,ओहीपर धूल बैसल कल सहित कलक चबूतरा सुखायल टटायल छल जेना, वर्षों सऽ नहि चलल हो,जाहि आँगन मे सदिखन बच्चा,बच्ची सबहक मधुर आवाज गूंजैत छल|ओहिन आँगन घास जनमल छल,बड़की काकीक शब्द कान मे टकराय लगलनि|
” बज्र खसौ खड़ुआन सबके चैन सऽ दुपहरियो मे नहि सुतऽ दैत अछि”|एक दिन बड़की काकी सटका लकऽ सब बच्चा केआँगन सऽ भगा देलीह|सुरभियो माय के उपराग दय अयलीह, जनमाकऽ हमरा सिर धौऽदेलौं अपने निश्चिंत भेल सुतल छी |सुरभिक माय तऽ किछु नहि बजलीह,पितिआईन तड़ाक-तड़ाक बच्चा के पिटऽ लगलीह आ सख्त निर्देश देलनि, “खबरदार जे कालि सऽ बड़की काकीक आँगन गेलाह”,दोसर दिन कोनो बच्चा नहिगेल|बड़की काकी के धेलकनि छड़पट्टी,हुनका तऽ बच्चा के आदत भऽ गेलनि|कछमछ,कछमछ करऽ लगलीह|दौड़कऽ आगा गेलीह कही केवाड़ तऽ नहि बंद अछि|ओहो खुजले रहनि|पथिया मे लताम किछु तोरलीह,किछु बिछलीह आ सुरभि आँगन लकऽ चलिगेलीह|
बड़की काकी : आविजाऊ बौआ सब आई हमर आँगन कियाक नहि एलौं?आऊ लताम खाऊ|
सुरभिक पितिआईन : बहिन दाई किया जेतन्हि हिनकर आँगन जाईछनि तऽ हिनका बड परेशानी होईतछन्हि|
बड़की काकी :ओ तऽ अहाँके कलहुका बातक तेख लागल अछि|जेहने खानदानक रहब,तेहने सोचब ने|ई बच्चा सब हमर नहि
अछि की?चलु बौआ सब हमर आँगन चलु!
