अखिल भारतीय मिथिला संघ द्वारा 08 मार्च 2021 कें आयोजित मिथिलानी कवयित्री सम्मलेनमे प्रस्तुत कविता
धरफताइत बुरही,
हे यै इंद्रकुमैर, लाल सुन्नैर,
सोहाग सुन्नैर, कत् गेलौ,
सब के सब, कत् छी
बीरपुर वाली के, बेटी भेलै
बड्ड ख़ुशी के लहैर छै l
धुर जाथ, फुंसिये लहैर छै,
ख़ुशी के लहैर की रहतै,
बुरही, इ नै बुझथिन l
यै बड़की काकी,
यै बहिन दाई,
सुनै छथिन, बुरही के बात l
यै सोहाग सुन्नैर,
सासु बात पर, नै जाऊ,
हम अपन आँखि सं, देखलौ
सत्ते कहै छी, झूठ नै,
भगवान गवाहि छैथ,
रातिये सं, अमरनाथ
माथ पर हाथ धय,
परल छैथ, नै जनि
एक बांस धरती, धँसत,
कि ऊपर होयत,
ताबते, बिलखाइत
हँसैत, सूंदर सन पड़ी,
आँखि पर नचैत….
बाबा, हम आबि गेलौ….
बाबा आँखि खोलैत
धरती धँसि गेल …….
